"Manchester Yunayted"ning afsonaviy hujumchisi Ueyn Runi "Arsenal" Premyer-liga chempioni bo‘lishini istashini tan oldi va unga murabbiy Mikel Arteta yoqishini qo‘shimcha qildi.
"Men "Arsenal"ni yoqtirmayman, ammo ularning "Liverpul"dan ko‘ra chempion bo‘lishini istardim. Menga ularning ishlari yoqadi, ular o‘z yo‘llarini topib oldi. Ularni yengish qiyin, ular kam gol o‘tkazishmoqda va men shunchaki qandaydir o‘zgacha narsa sodir bo‘lyapti deb o‘ylayman.
Umid qilamanki, ular g‘alaba qozonishadi, chunki menga Arteta juda yoqadi. U o‘z uslublarida biroz aqldan ozgan, lekin men u bilan bir necha marta o‘tirib, suhbatlashganim va u menga juda yoqqanidan baxtiyorman. Shunday ekan, umid qilamanki, ular g‘alaba qozonishadi," - dedi Runi.
Qo‘shimcha qilamizki, "Arsenal" o‘tkazilgan 7 turdan so‘ng 16 ochko bilan APL turnir jadvalida peshqadamlik qilmoqda.
