"Манчестер Юнайтед"нинг афсонавий ҳужумчиси Уэйн Руни "Арсенал" Премьер-лига чемпиони бўлишини исташини тан олди ва унга мураббий Микель Артета ёқишини қўшимча қилди.
"Мен "Арсенал"ни ёқтирмайман, аммо уларнинг "Ливерпуль"дан кўра чемпион бўлишини истардим. Менга уларнинг ишлари ёқади, улар ўз йўлларини топиб олди. Уларни енгиш қийин, улар кам гол ўтказишмоқда ва мен шунчаки қандайдир ўзгача нарса содир бўляпти деб ўйлайман.
Умид қиламанки, улар ғалаба қозонишади, чунки менга Артета жуда ёқади. У ўз услубларида бироз ақлдан озган, лекин мен у билан бир неча марта ўтириб, суҳбатлашганим ва у менга жуда ёққанидан бахтиёрман. Шундай экан, умид қиламанки, улар ғалаба қозонишади," - деди Руни.
Қўшимча қиламизки, "Арсенал" ўтказилган 7 турдан сўнг 16 очко билан АПЛ турнир жадвалида пешқадамлик қилмоқда.
