"Everton" o‘zining rasmiy saytida himoyachi Jeyms Tarkovski bilan shartnomani uzaytirganini e’lon qildi. Futbolchi 2028 yilning yarmigacha mo‘ljallangan mehnat shartnomasini imzoladi.

32 yoshli Tarkovski "Everton"ning vise-sardori hisoblanadi. Klub safida 128 ta rasmiy o‘yinda himoyachi o‘z hisobiga to‘rtta gol va uchta golli uzatma yozdirib qo‘ygan. Jeyms Angliya terma jamoasi safida ikkita o‘yin o‘tkazdi. Biroq himoyachi 2019 yilning mart oyidan beri terma jamoaga chaqirilmagan.

"Everton" ayni damda Angliya Premyer-ligasi turnir jadvalida 8-o‘rinda bormoqda.