"Tottenxem"ning nazorat paketiga egalik qiluvchi Lyuislar oilasi klubga yana 115 million yevro sarmoya kiritdi. Bu haqda insayder Fabrisio Romano xabar bermoqda.
Ta’kidlanishicha, rahbariyat muvaffaqiyatga erishish uchun "Tottenxem"ga sarmoya kiritishda davom etishga tayyor. Shu sababli klubga qo‘shimcha pul mablag‘lari kelib tushadi.
Ortda qolgan 7 tur natijasiga ko‘ra, "Tottenxem" Angliya chempionati turnir jadvalida 14 ochko jamg‘arishga muvaffaq bo‘lib, uchinchi o‘rinda bormoqda.
Keyingi turda "shporlar" o‘z maydonida "Aston Villa"ni qabul qiladi.
