"Bavariya" va darvozabon Manuel Noyer o‘rtasida shartnomani uzaytirish bo‘yicha muzokaralar 2025 yilning dekabrida bo‘lib o‘tishi rejalashtirilgan, deb xabar beradi Sky Sport.
Manbaga ko‘ra, agar 39 yoshli nemis kelishuvni uzaytirishga rozi bo‘lsa, "Bavariya" hozirda "Shtutgart"da ijara asosida o‘ynayotgan Aleksandr Nyubel bilan xayrlashadi.
Noyerning myunxenliklar bilan shartnomasi 2026 yilning 30 iyuniga qadar amal qiladi. 2025/26 yilgi mavsumda barcha musobaqalarda 9 ta o‘yinda darvozabon 6 ta gol o‘tkazib yubordi, 4 ta o‘yinda gol o‘tkazmadi.
Transfermarkt portali futbolchining transfer qiymatini to‘rt million yevroga baholagan.
