"Бавария" ва дарвозабон Мануэль Нойер ўртасида шартномани узайтириш бўйича музокаралар 2025 йилнинг декабрида бўлиб ўтиши режалаштирилган, деб хабар беради Sky Sport.
Манбага кўра, агар 39 ёшли немис келишувни узайтиришга рози бўлса, "Бавария" ҳозирда "Штутгарт"да ижара асосида ўйнаётган Александр Нюбел билан хайрлашади.
Нойернинг мюнхенликлар билан шартномаси 2026 йилнинг 30 июнига қадар амал қилади. 2025/26 йилги мавсумда барча мусобақаларда 9 та ўйинда дарвозабон 6 та гол ўтказиб юборди, 4 та ўйинда гол ўтказмади.
Transfermarkt портали футболчининг трансфер қийматини тўрт миллион еврога баҳолаган.
