Italiya terma jamoasi bosh murabbiyi Jennaro Gattuzo JCH-2026 saralashidan o‘rin olgan Estoniya (3:1) ustidan qozonilgan g‘alaba haqida fikr bildirdi.
"Saralash bosqichida oddiy o‘yinlar bo‘lmaydi va estoniyaliklar bugun katta xohish bildirishdi, jon-jahdlari bilan kurashishdi va ko‘p yugurishdi. Biz esa shiddat bilan o‘ynashda davom etdik. Vaziyatlardan yanada yaxshiroq foydalanishimiz mumkin edi, lekin men bundan xavotirlanmayman. Men hammasidan juda mamnunman. Hozir biz guruhda ikkinchi o‘ringa ko‘tarildik, ammo bu hali hech narsani anglatmaydi. Qandaydir yutuqlar haqida faqat saralash so‘nggida gapirish mumkin," - deya Gattuzoning so‘zlarini keltiradi UEFA matbuot xizmati.
