35 yoshli italiyalik futbolchi Mario Balotelli hozirgi Italiya terma jamoasining muammosi nimada ekanligini aytdi.
Ayni paytda klubga ega bo‘lmagan forvardning o‘zi 2010 yildan 2018 yilgacha "adzurra" safiga chaqirilgan.
"Men har doim Italiya terma jamoasida o‘ynashdan xursand bo‘lganman, faxrlanganman va maydonda bor kuchimni sarflaganman. Fikrimcha, hozirgi terma jamoaning ko‘plab futbolchilarida jamoa uchun kurashish istagi yetishmayapti," - dedi "Inter", "Manchester Siti", "Milan", "Liverpul" va boshqa nufuzli klublarning sobiq hujumchisi.
Mario Balotelli Italiya terma jamoasi safida 36 ta bahsda 14 ta gol urgan.













