35 ёшли италиялик футболчи Марио Балотелли ҳозирги Италия терма жамоасининг муаммоси нимада эканлигини айтди.
Айни пайтда клубга эга бўлмаган форварднинг ўзи 2010 йилдан 2018 йилгача "адзурра" сафига чақирилган.
"Мен ҳар доим Италия терма жамоасида ўйнашдан хурсанд бўлганман, фахрланганман ва майдонда бор кучимни сарфлаганман. Фикримча, ҳозирги терма жамоанинг кўплаб футболчиларида жамоа учун курашиш истаги етишмаяпти," - деди "Интер", "Манчестер Сити", "Милан", "Ливерпуль" ва бошқа нуфузли клубларнинг собиқ ҳужумчиси.
Марио Балотелли Италия терма жамоаси сафида 36 та баҳсда 14 та гол урган.
