Braziliya terma jamoasi ustozi Karlo Anchelotti shogirdlarining o‘rtoqlik o‘yinidagi mag‘lubiyatiga izoh berdi. Yaponlar bilan o‘yin 2:3 hisobida yakunlandi.
"Biz diqqat bilan baholashimiz kerak bo‘lgan narsa - bu jamoaning birinchi xatodan keyingi reaksiyasi. Biz maydondagi muvozanatimiz va ijobiy fikrlashimizning bir qismini yo‘qotdik. Bu kelajak uchun yaxshi saboq. Biz bu mag‘lubiyatdan saboq olishimiz kerak.
Biz noyabr oyida davom etamiz. Bu bizning yondashuvimizni o‘zgartirmaydi. Jamoa Janubiy Koreyaga qarshi juda yaxshi o‘ynadi, Yaponiyaga qarshi ham birinchi bo‘limda yaxshi o‘ynadik, ammo ikkinchi bo‘lim juda yomon o‘tdi. Bizga muvozanat kerak," - deya Anchelottining so‘zlarini keltiradi ESPN.
Braziliya terma jamoasining noyabr oyidagi uchrashuvlardagi raqiblari hozircha aniq emas.
