"Barselona"ning niderlandiyalik futbolchisi Frenki de Yong terma jamoalar o‘yinlarida futbolchilarning ko‘p jarohat olishi haqida gapirdi.
"Xalqaro o‘yinlar paytida har doim jarohatlar odatdagidan ko‘proq ekanini ko‘rasiz. Ammo Niderlandiya terma jamoasida o‘ynash menga xuddi "Barsa"da o‘ynagandek yoqadi. Albatta, futbolchilarda dam olish kam va bu haqiqatan ham jarohatlar soniga ta’sir qiladi," - deya de Yongning so‘zlarini keltiradi Marca.
2024/25 yilgi mavsumda de Yong "Barselona" tarkibida sakkizta o‘yinda maydonga tushdi. Qo‘shimcha qilamiz, joriy mavsumda xavbek sog‘lig‘idagi muammolar sabab 2 ta o‘yinni o‘tkazib yubordi.
