Kataloniyaning "Barselona" klubi matbuot xizmati argentinalik hujumchi Lionel Messining "ko‘k-anorranglilar" safidagi debyutiga bag‘ishlangan post joyladi. Mashhur futbolchi 21 yil oldin, 2004/2005 yilgi mavsumda "Espanyol"ga qarshi o‘zining ilk o‘yinini o‘tkazgan edi.

"Biz nima sodir bo‘lishi mumkinligini tasavvur ham qila olmasdik," - deya ta’kidlandi Kataloniya grandining xabarida.

Eslatib o‘tamiz, Messi 2021 yilgacha "Barselona" sharafini himoya qilgan. So‘ngra sakkiz karra "Oltin to‘p" sovrindori ikki mavsumni Fransiyaning "PSJ" jamoasida o‘tkazdi. Hozirgi kunda argentinalik futbolchi "Inter Mayami" safida to‘p tepmoqda.

Lionel MLSning joriy mavsumida 27 ta uchrashuvda ishtirok etib, 26 ta gol urdi va 15 ta golli uzatmani amalga oshirdi.