Каталониянинг "Барселона" клуби матбуот хизмати аргентиналик ҳужумчи Лионель Мессининг "кўк-анорранглилар" сафидаги дебютига бағишланган пост жойлади. Машҳур футболчи 21 йил олдин, 2004/2005 йилги мавсумда "Эспаньол"га қарши ўзининг илк ўйинини ўтказган эди.
"Биз нима содир бўлиши мумкинлигини тасаввур ҳам қила олмасдик," - дея таъкидланди Каталония грандининг хабарида.
Эслатиб ўтамиз, Месси 2021 йилгача "Барселона" шарафини ҳимоя қилган. Сўнгра саккиз карра "Олтин тўп" совриндори икки мавсумни Франциянинг "ПСЖ" жамоасида ўтказди. Ҳозирги кунда аргентиналик футболчи "Интер Майами" сафида тўп тепмоқда.
Лионель МЛСнинг жорий мавсумида 27 та учрашувда иштирок этиб, 26 та гол урди ва 15 та голли узатмани амалга оширди.
