Italiyalik mashhur hujumchi Mario Balotelli faoliyatini BAAda davom ettirishi mumkin. 35 yoshli futbolchiga mamlakatning ikkinchi divizionida harakat qiladigan Dubayning "Palm Siti" klubi qiziqish bildirmoqda, deb xabar beradi jurnalist Rudi Galetti. Klubda katta loyiha qurilmoqda va Italiya terma jamoasining sobiq hujumchisini ko‘ndirishmoqchi.
Mario Balotelli joriy yilning yozida "Jenoa"ni tark etdi - shundan beri u erkin agent bo‘lib qolmoqda. Bungacha futbolchi «Adana Demirspor», «Syon», «Monsa», «Breshiya», «Marsel», «Nissa», «Liverpul», «Milan», «Manchester Siti» va «Inter» sharafini himoya qilgan.
