"Braga" hujumchisi Pau Viktor joriy mavsumda "Barselona"dan nimalar kutayotgani haqida gapirdi.

Ispaniyalik futbolchi o‘tgan mavsumda "ko‘k-anorranglilar" safida to‘p tepgan, o‘shanda jamoa ichki arenadagi barcha turnirlarda g‘alaba qozongandi. Hujumchi yozda Portugaliyaga ko‘chib o‘tdi.

"Barsa"da hammasi joyida deb hisoblayman, garchi "Sevilya" bilan so‘nggi o‘yin idealdan yiroq bo‘lgan bo‘lsa-da. Stadion bilan bog‘liq muammolar kabi tashqi omillarni hisobga olish kerak. Vaziyat va jarohatlar murakkablashmoqda, ammo ishonchim komilki, hamma safga qaytgach, "Barselona" o‘tgan mavsumdagidek o‘yin ko‘rsata boshlaydi. Sabr kerak," - deya Viktorning so‘zlarini keltiradi Barca Universal.

Xans-Diter Flik jamoasi La Liga turnir jadvalida "Real"dan 2 ochko ortda qolib, 2-o‘rinni egallab turibdi.