"Barselona" bosh murabbiyi Xans-Diter Flik Ispaniya chempionatidan o‘rin olgan "Jirona"ga qarshi o‘yin oldidan jamoadagi kadrlar masalasida fikr bildirdi.

"Yamal va Lopes ertaga qaytishadi, ammo ular to‘liq 90 daqiqa o‘ynay olishmaydi. Rafinya bizning eng yaxshi o‘yinchilarimizdan biri. Bizga u yetishmayapti, lekin tez orada uni yana safda ko‘ramiz. Jarohatlar bilan to‘g‘ri munosabatda bo‘lishimiz kerak - bu bizning ishimizning bir qismi.

Levandovski menga bog‘ich bilan terma jamoada yaxshi o‘ynaganini va og‘riqni his qilmaganini aytdi, lekin keyin... ahvol shunday. Terma jamoalardagi bu tanaffuslar bilan... jarohatlar bizga qattiq ta’sir qiladi," - dedi Flik matbuot anjumanida.

"Barselona" va "Jirona" 18 oktyabr, shanba kuni o‘zaro bahs olib boradi.