"Manchester Yunayted" yozgi transfer oynasida darvozabon Senne Lammens bilan shartnoma imzoladi.
Belgiyalik futbolchi oldingi o‘yinda “Sanderlend”ga qarshi maydonga tushdi va o‘z darvozasi daxlsizligini saqlab qoldi.
"Qizil iblislar" bosh murabbiyi Ruben Amorim Lammensning "Liverpul"ga qarshi o‘yinda maydonga tushishi haqidagi savolga javob berdi.
"U asosiy tarkibda maydonga tushishi mumkin. Birinchi taassurotlar juda muhim. Uning o‘z darajasini saqlab qolishi bundan ham muhimroq.
U hali Piter Shmeyxel emas, lekin u allaqachon sovuqqonlik ko‘rsatmoqda", - dedi Amorim matbuot anjumanida.













