Turkiy davlatlar tashkilotiga a’zo mamlakatlarning yoshlar va sport masalalari bo‘yicha vazirlarining IX yig‘ilishi doirasida delegasiya a’zolari poytaxtimizda qad rostlagan Olimpiya shaharchasida ham bo‘lishdi.
O‘zbekiston Respublikasi Sport vaziri Adham Ikramov mehmonlarga majmuadagi ob’ektlarda yaratilgan shart-sharoitlar hamda ularning imkoniyatlari haqida batafsil ma’lumot berdi.
Tashrif davomida rasmiylar Olimpiya shaharchasida o‘tkazilayotgan chim ustida xokkey bo‘yicha Central Asia Championship musobaqasining final bellashuvlari hamda yig‘in o‘tkazayotgan sportchilarimizning mashg‘ulotlarini ham tomosha qildilar.
