"PSJ" markaziy himoyachisi Ilya Zabarniy kecha Fransiya chempionatida "Strasburg"ga qarshi kechgan bahsda ishtirok etdi. Uchrashuv Parijda bo‘lib o‘tdi va 3:3 hisobidagi durang bilan yakunlandi.
O‘tgan bahsda ukrainalik futbolchi bir o‘yinda aniq uzatmalar soni bo‘yicha shaxsiy rekordini o‘rnatdi - 112. Bu haqda StatMuse xabar bermoqda.
Zabarniyning oldingi eng yaxshi ko‘rsatkichi "Bornmut" uchun "Kristal Pelas"ga qarshi o‘yinda 91 ta aniq uzatma bo‘lgan.
23 yoshli ukrainalik o‘tgan yozda 63 million yevro evaziga Parij grandiga ko‘chib o‘tgan edi. Tomonlar o‘rtasidagi mehnat shartnomasi muddati 2030 yilning yozida tugaydi.













