"Barselona" bosh murabbiyi Xans-Diter Flik jamoasi "Jirona" darvozasiga g‘alaba to‘pini kiritgach, odobsiz harakat qildi.
Bungacha ham nemis murabbiyi hakam bilan kelisha olmagani uchun ikkinchi sariq kartochkadan so‘ng maydondan chetlatilgandi. O‘yindan keyin Flik imo-ishora haqida gapirdi.
"Golni nishonlash vaqtidagi ishoram keskin vaziyat bilan bog‘liq. U hech kimga qaratilmagan," - deya Flikning so‘zlarini keltiradi Barca Universal.
Eslatib o‘tamiz, "Barselona" "Jirona"ni 2:1 hisobida mag‘lub etdi. G‘alaba golini kataloniyaliklar ikkinchi bo‘limga qo‘shib berilgan daqiqalardayoq urishdi - Ronald Arauxo gol muallifi bo‘ldi.
La Liganing navbatdagi turida "Barselona" safarda "Real"ga qarshi bahs olib boradi.
