"Барселона" бош мураббийи Ханс-Дитер Флик жамоаси "Жирона" дарвозасига ғалаба тўпини киритгач, одобсиз ҳаракат қилди.
Бунгача ҳам немис мураббийи ҳакам билан келиша олмагани учун иккинчи сариқ карточкадан сўнг майдондан четлатилганди. Ўйиндан кейин Флик имо-ишора ҳақида гапирди.
"Голни нишонлаш вақтидаги ишорам кескин вазият билан боғлиқ. У ҳеч кимга қаратилмаган," - дея Фликнинг сўзларини келтиради Barca Universal.
Эслатиб ўтамиз, "Барселона" "Жирона"ни 2:1 ҳисобида мағлуб этди. Ғалаба голини каталонияликлар иккинчи бўлимга қўшиб берилган дақиқалардаёқ уришди - Рональд Араухо гол муаллифи бўлди.
Ла Лиганинг навбатдаги турида "Барселона" сафарда "Реал"га қарши баҳс олиб боради.
