"Barselona" shanba kuni o‘z maydonida "Jirona"ni 2:1 hisobida mag‘lub etdi.
Lamin Yamal va Pedri ikkinchi bo‘lim o‘rtalarida zaxiraga olindi. O‘yindan keyin kataloniyaliklar bosh murabbiyi Xans-Diter Flik bu borada izoh berdi.
"Yamal menga qandaydir noqulaylik borligini aytmadi. Unda hamma narsa joyida bo‘lishi kerak. Laminni almashtirish o‘yindan oldin rejalashtirilgan edi. Pedri ham ko‘p o‘ynadi - ularni asrashimiz kerak," - dedi Flik o‘yindan keyingi matbuot anjumanida.
Ispaniya La Ligasining navbatdagi turida "Barselona" safarda "Real"ga qarshi bahs olib boradi. Uchrashuv 26 oktyabr, yakshanba kuni bo‘lib o‘tadi.
