"Барселона" шанба куни ўз майдонида "Жирона"ни 2:1 ҳисобида мағлуб этди.
Ламин Ямал ва Педри иккинчи бўлим ўрталарида захирага олинди. Ўйиндан кейин каталонияликлар бош мураббийи Ханс-Дитер Флик бу борада изоҳ берди.
"Ямал менга қандайдир ноқулайлик борлигини айтмади. Унда ҳамма нарса жойида бўлиши керак. Ламинни алмаштириш ўйиндан олдин режалаштирилган эди. Педри ҳам кўп ўйнади - уларни асрашимиз керак," - деди Флик ўйиндан кейинги матбуот анжуманида.
Испания Ла Лигасининг навбатдаги турида "Барселона" сафарда "Реал"га қарши баҳс олиб боради. Учрашув 26 октябрь, якшанба куни бўлиб ўтади.
