"Roma" hujumchisi Paulo Dibalaga boshqa klublardan qiziqish bo‘lmoqda.
31 yoshli argentinalikning amaldagi shartnomasi kelasi yilning o‘rtalarida o‘z nihoyasiga yetadi. Jurnalist Ekrem Konurning yozishicha, Braziliyaning "Flamengo" klubi Dibalani o‘ziga og‘dirib olmoqchi va unga yana bir yilga uzaytirish sharti bilan ikki yillik shartnoma taklif qilishga tayyor. Taxminlarga ko‘ra, yulduz hujumchi Janubiy Amerikaga ko‘chib o‘tish variantlarini jiddiy ko‘rib chiqadi.
Paulo Dibala joriy mavsum "Roma" safida 5 ta o‘yinda maydonga tushdi, ammo hozircha samarali harakatlari bilan ajralib turgani yo‘q. Transfermarkt portali ekspertlari jahon chempionining narxini 8 mln yevroga baholamoqda.
