"Arsenal" vingeri Bukayo Saka APL doirasida "Fulxem"ga qarshi (1:0) mehmondagi g‘alabali o‘yindan so‘ng o‘z taassurotlari bilan o‘rtoqlashdi.
"Kanonirlar" 58-daqiqada Leandro Trossardning goli evaziga g‘alaba qozonishdi.
"Biz o‘yinni o‘zimiz xohlagandek boshlamadik va qiyin bo‘ldi. Lekin hozir bizda bu vaziyatlarni yengish uchun tajribamiz bor.
So‘nggi yillarda bu stadionda eng yaxshi natijalarga erisha olmadik, ammo bugun hammasi yaxshi yakunlandi", - dedi Saka o‘yindan keyin OAVga bergan intervyusida.













