"Manchester Yunayted" markaziy himoyachisi Xarri Maguayr Angliya chempionati doirasidagi "Liverpul"ga (2:1) qarshi o‘yindan so‘ng o‘z fikrlarini bildirib o‘tdi.
«Biz bu g‘alaba uchun uzoq yo‘l bosdik. So‘nggi yillarda bizga oson bo‘lmadi. Bu muxlislarimiz uchun qanchalik muhimligini bilamiz. Bizda shunday stereotip bor: "Atigi uch ochko," lekin bugun bu uch ochkodan ko‘proq. Yigitlar xursand, bu qanchalik oddiy tuyulmasin, biz shu ruhda davom etishimiz kerak», - dedi futbolchi o‘yindan so‘ng.
"Manchester Yunayted" hisobida 13 ochko mavjud bo‘lib, Angliya chempionati jadvalida to‘qqizinchi o‘rinda bormoqda.
