"Real" Ispaniya La Ligasining 9-turida "Xetafe" mehmoni bo‘ldi - 1:0.
Yagona gol Kilian Mbappe hisobiga yozildi. Fransuz 80-daqiqada raqib darvozasini ishg‘ol qildi. Mbappe barcha musobaqalarda ketma-ket 11-o‘yinda gol urdi.
77-daqiqada mezbonlar Allan Nyomning chetlatilishidan keyin bir kishi kam bo‘lib qoldi. U zaxiradan maydonga tushganidan bir daqiqa o‘tib qizil kartochka oldi. 84-daqiqada "Xetafe"ning yana bir futbolchisi chetlatildi - ikkinchi sariq kartochkani Aleks Sankris oldi.
"Real" (24 ochko) La Ligada "Barselona"ni (22) ortda qoldirib, 1-o‘ringa chiqib oldi. "Xetafe" (11) turnir jadvalida 12-o‘rinda bormoqda.
La Liga, 9-tur
19 oktyabr, yakshanba, 23:59
Xetafe - Real - 0:1
Gollar: Mbappe, 80 (0:1)
Xetafe: Soriya, Riko, Dakonam, Duarte, Iglesias, Sankris, Arambarri, Milya, Martin (Kamara, 87), Kiko Femeniya (Nyom, 76), Liso (da Kosta, 90)
Real: Kurtua, Karreras, Alaba (Raul Asensio, 46), Eder Militau, Valverde, Kamavinga (Arda Gyuler, 65), Tchuameni, Rodrigu (Dias, 86), Bellingem (Garsiya, 86), Mastantuono (Vinisius Junior, 55), Mbappe
Ogohlantirishlar: Duarte, 48. Kiko Femeniya, 63. Sankris, 74 - Tchuameni, 90
Chetlatishlar: Nyom, 77. Sankris, 84 (ikkinchi sariq kartochka)
