Italiya chempionatining 7-turida "Milan" portugaliyalik hujumchi Rafael Leauning ikkita goli evaziga "Fiorentina"dan ustun keldi. U eng tajribali jamoadoshi Luka Modrichning maqtoviga sazovor bo‘ldi.
"Rafael aql bovar qilmas, u bilan o‘ynash imkoniyatini anchadan beri kutayotgan edim, afsuski, u jarohat oldi. Ammo hozir u qaytdi va o‘zini bizga kerakli futbolchi sifatida ko‘rsatdi. Umid qilamanki, bu ikki gol unga o‘ziga bo‘lgan ishonchni qaytarishga yordam beradi," - deya Modrichning so‘zlarini keltiradi pianetamilan.it.
"Fiorentina"ga qarshi o‘yindagi muvaffaqiyat tufayli Massimiliano Allegri shogirdlari Italiya chempionati turnir jadvalida yana birinchi o‘rinni qo‘lga kiritdi.
