Италия чемпионатининг 7-турида "Милан" португалиялик ҳужумчи Рафаэль Леаунинг иккита голи эвазига "Фиорентина"дан устун келди. У энг тажрибали жамоадоши Лука Модричнинг мақтовига сазовор бўлди.
"Рафаэль ақл бовар қилмас, у билан ўйнаш имкониятини анчадан бери кутаётган эдим, афсуски, у жароҳат олди. Аммо ҳозир у қайтди ва ўзини бизга керакли футболчи сифатида кўрсатди. Умид қиламанки, бу икки гол унга ўзига бўлган ишончни қайтаришга ёрдам беради," - дея Модричнинг сўзларини келтиради pianetamilan.ит.
"Фиорентина"га қарши ўйиндаги муваффақият туфайли Массимилиано Аллегри шогирдлари Италия чемпионати турнир жадвалида яна биринчи ўринни қўлга киритди.
