Madridning "Real" klubi "Xetafe" ustidan qozonilgan g‘alabadan keyinoq "Yuventus"ga qarshi bo‘lajak o‘yinga tayyorgarlikni boshlaydi.

Yakshanba oqshomida "qaymoqranglilar" La Liganing safar o‘yinida Kilian Mbappening 80-daqiqadagi goli evaziga qiyinchilik bilan g‘alaba qozondi (1:0). Ispaniya matbuoti xabariga ko‘ra, Xabi Alonso dushanba kuni futbolchilarga dam bermaydi. Jamoa chorshanba kuni "Santyago Bernabeu"da bo‘lib o‘tadigan "Yuventus"ga qarshi Chempionlar ligasining navbatdagi uchrashuviga tayyorgarlik ko‘rish maqsadida mashg‘ulot o‘tkazadi.

Madrid grandi La Liganing 9 turidan so‘ng 24 ochko bilan turnir jadvalida peshqadamlik qilmoqda va "Barselona"ni 2 ochkoga ortda qoldirmoqda. Yakshanba kuni chempionlik uchun ikki asosiy da’vogar o‘zaro to‘qnash keladi.