Seshanba oqshomida "PSJ" Chempionlar ligasi doirasida "Bayer"ga qarshi safar o‘yinini o‘tkazadi. Parijliklar bosh murabbiyi Luis Enrike raqib haqida fikr bildirdi.
"Bayer"ni xolis baholash qiyin, chunki jamoa yozda 20 nafar yangi futbolchi bilan shartnoma imzoladi va yangi murabbiyga ega. Ular gol urishni bilishadi, himoyada juda yaxshi o‘ynay olishadi, pressing qilishni ham bilishadi. Ular hamma narsaga qodir va biz buni uddalashimiz kerak bo‘ladi. Har bir o‘yin turli vaziyatlarni keltirib chiqaradi. Ko‘ramiz, futbolchilarimiz qanday holatda," - dedi Enrike matbuot anjumanida.
"PSJ" Chempionlar Ligasi umumiy bosqichining o‘tgan ikki turida maksimal olti ochko to‘pladi.
