Madridning "Real" klubi braziliyalik hujumchisi Endrik qishki transfer oynasida jamoani tark etadi. Bu haqda nufuzli insayder Fabrisio Romano ijtimoiy tarmoqdagi sahifasida ma’lum qildi.
Manbaga ko‘ra, Endrik Braziliya terma jamoasi bilan bo‘lajak jahon chempionatiga borish uchun o‘ynamoqchi. "Real" yanvar oyida futbolchini ijaraga qo‘yib yuborishga tayyor. Hozirda bir nechta klublar bilan muzokaralar olib borilayotgani aytilmoqda.
Eslatib o‘tamiz, 2024 yilning yozida "Real" Endrikni 47,5 million yevroga sotib olgan edi. Joriy mavsumda 19 yoshli hujumchi biror marta maydonga tushmadi. Uning klub bilan shartnomasi 2030 yilning yarmigacha mo‘ljallangan.
