"Napoli" bosh murabbiyi Antonio Konte jamoaning hozirgi holatidan xavotirdaligini bildirdi.
Seshanba kuni Italiyaning amaldagi chempioni Niderlandiyaning "PSV" Eyndxoven klubiga 2:6 hisobida imkoniyatni boy berdi.
"Biz bu mavsumda allaqachon to‘rtta o‘yinda mag‘lub bo‘ldik, bu meni xafa qiladi. Umid qilamanki, futbolchilar ham o‘zlarini shunday his qilishmoqda. Bizning yangi futbolchilarimiz imkon qadar tezroq moslashishlari kerak.
Biz "Napoli"ni o‘tgan mavsumdagi holatga qaytarishimiz kerak, o‘shanda jamoa muvaffaqiyati hamma uchun muhim edi. Klubimizda xudbinlikka o‘rin yo‘q", - dedi Konte mag‘lubiyatdan keyingi matbuot anjumanida.













