"Наполи" бош мураббийи Антонио Конте жамоанинг ҳозирги ҳолатидан хавотирдалигини билдирди.
Сешанба куни Италиянинг амалдаги чемпиони Нидерландиянинг "ПСВ" Эйндховен клубига 2:6 ҳисобида имкониятни бой берди.
"Биз бу мавсумда аллақачон тўртта ўйинда мағлуб бўлдик, бу мени хафа қилади. Умид қиламанки, футболчилар ҳам ўзларини шундай ҳис қилишмоқда. Бизнинг янги футболчиларимиз имкон қадар тезроқ мослашишлари керак.
Биз "Наполи"ни ўтган мавсумдаги ҳолатга қайтаришимиз керак, ўшанда жамоа муваффақияти ҳамма учун муҳим эди. Клубимизда худбинликка ўрин йўқ", - деди Конте мағлубиятдан кейинги матбуот анжуманида.
