"Chelsi" yangi homiy topdi.
London klubi Vyetnamning FPT texnologik kompaniyasi bilan mavsum oxirigacha shartnoma imzolashga kelishib oldi, deya xabar bermoqda The Athletic. Uning reklamasi "ko‘klar" futbolkasining yenglarida paydo bo‘ladi.
Bundan tashqari, "Chelsi" yangi bosh homiy topishga yaqinligi aytilmoqda. Muzokaralar olib borilayotgan kompaniyalar soni kamaydi, ammo bu muhokamalar ancha oldinga siljidi.
Tomonlar nafaqat futbolkalarga homiylar logotipini joylashtirishni o‘z ichiga oladigan ko‘p tomonlama bitim tuzish imkoniyatini ko‘rib chiqmoqdalar.
O‘tgan mavsumda londonliklar jamoasida aprel oyi oxirigacha asosiy homiyning futbolkalardagi reklamasi bo‘lmagan. O‘shanda klub BAAning Damac ko‘chmas mulk kompaniyasi bilan shartnoma imzolagan.
