"Atletiko"ning argentinalik hujumchisi Xulian Alvares klub loyihasiga shubha bilan qaray boshladi. Bu haqda Diario Sport xabar bermoqda.

Alvaresning fikricha, "Atletiko" tarkibida sovrinlar uchun kurasha olmasa, klubni tark etgani ma’qul. Qayd etilishicha, Chempionlar ligasining o‘tgan turida "Arsenal"ga qarshi kechgan yirik hisobdagi mag‘lubiyat (0:4) hujumchining "matraschilar" loyihasiga bo‘lgan shubhalarini tasdiqladi, xolos. Hujumchini o‘z safida ko‘rishni istagan "Barselona" vaziyatni kuzatishda davom etmoqda.

Joriy mavsumda 25 yoshli Alvares barcha musobaqalarni inobatga olgan holda 11 ta o‘yinda maydonga tushib, 7 ta gol urdi va 3 ta golga hammualliflik qildi. Transfermarkt ekspertlari forvardning narxini 100 million yevroga baholamoqda.