"Атлетико"нинг аргентиналик ҳужумчиси Хулиан Альварес клуб лойиҳасига шубҳа билан қарай бошлади. Бу ҳақда Diario Sport хабар бермоқда.
Альвареснинг фикрича, "Атлетико" таркибида совринлар учун кураша олмаса, клубни тарк этгани маъқул. Қайд этилишича, Чемпионлар лигасининг ўтган турида "Арсенал"га қарши кечган йирик ҳисобдаги мағлубият (0:4) ҳужумчининг "матрасчилар" лойиҳасига бўлган шубҳаларини тасдиқлади, холос. Ҳужумчини ўз сафида кўришни истаган "Барселона" вазиятни кузатишда давом этмоқда.
Жорий мавсумда 25 ёшли Альварес барча мусобақаларни инобатга олган ҳолда 11 та ўйинда майдонга тушиб, 7 та гол урди ва 3 та голга ҳаммуаллифлик қилди. Transfermarkt экспертлари форварднинг нархини 100 миллион еврога баҳоламоқда.
