"Bavariya" bosh murabbiyi Vensan Kompani jamoaning Chempionlar Ligasidagi holati haqida gapirdi. Myunxenliklar umumiy bosqichning uch turidan so‘ng to‘qqiz ochko jamg‘ardi. Chorshanba kuni nemis grandi o‘z uyida Belgiyaning "Bryugge" klubini tor-mor etdi - 4:0.
"Biz ochko yo‘qotish mumkin emasligini bilardik, chunki oldinda bizni "PSJ" va "Arsenal" bilan o‘yinlar kutmoqda. Iloji boricha ko‘proq ball to‘plash kerak, ammo sakkizlikka kirish omili Chempionlar Ligasida g‘alaba qozonish imkoniyatiga jiddiy ta’sir ko‘rsatadi, deb o‘ylamayman. "PSJ" o‘tgan mavsumda buni ko‘rsatdi. O‘ylaymanki, bu safar ham hal qiluvchi rol o‘ynamaydi. Eng muhimi - pley-offga chiqish va bugun biz yaxshi qadam tashladik," - dedi Kompani matbuot anjumanida.
4 noyabr kuni "Bavariya" safarda "PSJ" mehmoni bo‘ladi.
