"Бавария" бош мураббийи Венсан Компани жамоанинг Чемпионлар Лигасидаги ҳолати ҳақида гапирди. Мюнхенликлар умумий босқичнинг уч туридан сўнг тўққиз очко жамғарди. Чоршанба куни немис гранди ўз уйида Бельгиянинг "Брюгге" клубини тор-мор этди - 4:0.
"Биз очко йўқотиш мумкин эмаслигини билардик, чунки олдинда бизни "ПСЖ" ва "Арсенал" билан ўйинлар кутмоқда. Иложи борича кўпроқ балл тўплаш керак, аммо саккизликка кириш омили Чемпионлар Лигасида ғалаба қозониш имкониятига жиддий таъсир кўрсатади, деб ўйламайман. "ПСЖ" ўтган мавсумда буни кўрсатди. Ўйлайманки, бу сафар ҳам ҳал қилувчи роль ўйнамайди. Энг муҳими - плей-оффга чиқиш ва бугун биз яхши қадам ташладик," - деди Компани матбуот анжуманида.
4 ноябрь куни "Бавария" сафарда "ПСЖ" меҳмони бўлади.
