Londonning "Tottenxem" klubi bosh murabbiyi Tomas Frank Chempionlar ligasida "Monako"ga qarshi kechgan o‘yin natijasiga izoh berdi. Uchinchi turda kechgan bellashuvda kuchlar teng keldi - 0:0.
Mutaxassisning aytishicha, hozircha uning jamoasi Chempionlar ligasida o‘ynashni endi o‘rganmoqda, chunki bu turnirdagi har bir o‘yin oson emas.
"Ta’kidlab o‘tmoqchimanki, o‘tgan mavsumda "Tottenxem" Premyer-ligada 17-o‘rinni egalladi, ammo Chempionlar ligasiga yo‘llanma oldi. Hozir qadam-baqadam harakatlanyapmiz. Durang - omadsiz kunda erishishimiz mumkin bo‘lgan eng yomon natija emas," - dedi Frank jurnalistlarga.
"Tottenxem" 3 turdan so‘ng 5 ochko bilan Chempionlar ligasi turnir jadvalida 15-o‘rinda bormoqda.
