Лондоннинг "Тоттенхэм" клуби бош мураббийи Томас Франк Чемпионлар лигасида "Монако"га қарши кечган ўйин натижасига изоҳ берди. Учинчи турда кечган беллашувда кучлар тенг келди - 0:0.
Мутахассиснинг айтишича, ҳозирча унинг жамоаси Чемпионлар лигасида ўйнашни энди ўрганмоқда, чунки бу турнирдаги ҳар бир ўйин осон эмас.
"Таъкидлаб ўтмоқчиманки, ўтган мавсумда "Тоттенхэм" Премьер-лигада 17-ўринни эгаллади, аммо Чемпионлар лигасига йўлланма олди. Ҳозир қадам-бақадам ҳаракатланяпмиз. Дуранг - омадсиз кунда эришишимиз мумкин бўлган энг ёмон натижа эмас," - деди Франк журналистларга.
"Тоттенхэм" 3 турдан сўнг 5 очко билан Чемпионлар лигаси турнир жадвалида 15-ўринда бормоқда.
