"Manchester Yunayted" sardori Brunu Fernandesh kelasi yilning yozida klubni tark etishi mumkin.
Portugaliyalik futbolchiga Saudiya Arabistoni chempionati vakillari da’vogarlik qilmoqda, ular mish-mishlarga ko‘ra, "qizil iblislar"ga ham, futbolchining o‘ziga ham o‘ta foydali shartlarni taklif qilishga tayyor. Jurnalist Ben Jeykobsning ta’kidlashicha, Fernandesh kelajakda sport omillaridan kelib chiqqan holda qaror qabul qiladi: yarim himoyachi "MYU" loyihasi qaysi yo‘nalishda rivojlanayotgani, shuningdek, unda o‘ziga qanday rol ajratilganini baholaydi, shundan so‘ng hamkorlikni davom ettirish kerakmi yoki yo‘qligini hal qiladi.
"Manchester Yunayted" o‘ta foydali taklif tushsa, 2026 yilda Brununi sotishi mumkin. Katta ehtimol bilan bu yulduz xavbek transferidan katta mablag‘ ishlab olish uchun so‘nggi imkoniyat bo‘ladi. 31 yoshli futbolchining amaldagi shartnomasi 2027 yilga qadar imzolangan.
