"Манчестер Юнайтед" сардори Бруну Фернандеш келаси йилнинг ёзида клубни тарк этиши мумкин.
Португалиялик футболчига Саудия Арабистони чемпионати вакиллари даъвогарлик қилмоқда, улар миш-мишларга кўра, "қизил иблислар"га ҳам, футболчининг ўзига ҳам ўта фойдали шартларни таклиф қилишга тайёр. Журналист Бен Жейкобснинг таъкидлашича, Фернандеш келажакда спорт омилларидан келиб чиққан ҳолда қарор қабул қилади: ярим ҳимоячи "МЮ" лойиҳаси қайси йўналишда ривожланаётгани, шунингдек, унда ўзига қандай роль ажратилганини баҳолайди, шундан сўнг ҳамкорликни давом эттириш керакми ёки йўқлигини ҳал қилади.
"Манчестер Юнайтед" ўта фойдали таклиф тушса, 2026 йилда Брунуни сотиши мумкин. Катта эҳтимол билан бу юлдуз хавбек трансферидан катта маблағ ишлаб олиш учун сўнгги имконият бўлади. 31 ёшли футболчининг амалдаги шартномаси 2027 йилга қадар имзоланган.
