Nufuzli The Athletic nashrida "Real"ning yangi shartnomalarni rasman e’lon qilish borasidagi hayratlanarli siyosati haqida material e’lon qilindi.

Madrid klubi yangi kelishuvlarni umuman e’lon qilmayapti yoki juda kech e’lon qilmoqda.

Rahbariyat rasmiy bayonot futbolchining o‘ziga va uning tarkibdagi raqobatchilariga, shuningdek, "Real" qiziqish bildirayotgan futbolchilarga qanday ta’sir ko‘rsatishi mumkinligiga juda katta e’tibor qaratmoqda.

Markaziy himoyachining yangi shartnomasini e’lon qilish uning jamoadagi raqobatchisiga salbiy ta’sir ko‘rsatishi, shuningdek, ushbu pozisiyaga potensial yangi keladigan futbolchi bilan muzokaralar olib borishga to‘sqinlik qilishi mumkinligiga misol keltiriladi.

Klub Vinisius Juniorning yangi shartnomasini e’lon qilish vaqtini sinchkovlik bilan tanladi: shartnoma 2022 yilning yozida imzolangan, veb-saytdagi rasmiy bayonot esa faqat 2023 yilning noyabrida e’lon qilingan.

Qayd etilishicha, o‘tgan yozda "Real" Tibo Kurtua (2027 yil yozigacha), Braim Dias (ma’lumot yo‘q) va Raul Asensio (2031) bilan shartnomani uzaytirgan, biroq bu haqda hali rasman e’lon qilmagan.