Нуфузли The Athletic нашрида "Реал"нинг янги шартномаларни расман эълон қилиш борасидаги ҳайратланарли сиёсати ҳақида материал эълон қилинди.
Мадрид клуби янги келишувларни умуман эълон қилмаяпти ёки жуда кеч эълон қилмоқда.
Раҳбарият расмий баёнот футболчининг ўзига ва унинг таркибдаги рақобатчиларига, шунингдек, "Реал" қизиқиш билдираётган футболчиларга қандай таъсир кўрсатиши мумкинлигига жуда катта эътибор қаратмоқда.
Марказий ҳимоячининг янги шартномасини эълон қилиш унинг жамоадаги рақобатчисига салбий таъсир кўрсатиши, шунингдек, ушбу позицияга потенциал янги келадиган футболчи билан музокаралар олиб боришга тўсқинлик қилиши мумкинлигига мисол келтирилади.
Клуб Винисиус Жуниорнинг янги шартномасини эълон қилиш вақтини синчковлик билан танлади: шартнома 2022 йилнинг ёзида имзоланган, веб-сайтдаги расмий баёнот эса фақат 2023 йилнинг ноябрида эълон қилинган.
Қайд этилишича, ўтган ёзда "Реал" Тибо Куртуа (2027 йил ёзигача), Браим Диас (маълумот йўқ) ва Рауль Асенсио (2031) билан шартномани узайтирган, бироқ бу ҳақда ҳали расман эълон қилмаган.
