Germaniya chempionati doirasidagi o‘yinda Dortmundning "Borussiya" klubi "Kyoln" ustidan minimal hisobda g‘alaba qozondi - 1:0. Hal qiluvchi to‘pni "asalarilar" qo‘shib berilgan daqiqalarda kiritdi.
Uchrashuvdan olgan taassurotlari bilan Dortmund jamoasi ustozi Niko Kovach o‘rtoqlashdi.
"Ushbu o‘yinda sodir bo‘lgan voqealar aqlbovar qilmas edi. Raqib ajoyib futbol namoyish etdi va qarshi hujumlarda xavfli harakat qildi. Biz esa yaxshi himoyalanib, "Kyoln"ning harakatlarini jilovlab turdik. Men aynan shunga erishmoqchi edim", - deya mutaxassisning so‘zlarini keltiradi Bundesliga matbuot xizmati.
Germaniya chempionatida o‘tkazilgan 8 turdan so‘ng "Borussiya" 17 ochko jamg‘arib, 3-o‘rinni egallab turibdi.













