Германия чемпионати доирасидаги ўйинда Дортмунднинг "Боруссия" клуби "Кёлн" устидан минимал ҳисобда ғалаба қозонди - 1:0. Ҳал қилувчи тўпни "асаларилар" қўшиб берилган дақиқаларда киритди.
Учрашувдан олган таассуротлари билан Дортмунд жамоаси устози Нико Ковач ўртоқлашди.
"Ушбу ўйинда содир бўлган воқеалар ақлбовар қилмас эди. Рақиб ажойиб футбол намойиш этди ва қарши ҳужумларда хавфли ҳаракат қилди. Биз эса яхши ҳимояланиб, "Кёлн"нинг ҳаракатларини жиловлаб турдик. Мен айнан шунга эришмоқчи эдим", - дея мутахассиснинг сўзларини келтиради Бундеслига матбуот хизмати.
Германия чемпионатида ўтказилган 8 турдан сўнг "Боруссия" 17 очко жамғариб, 3-ўринни эгаллаб турибди.
