Londonning "Arsenal" klubi bosh murabbiyi Mikel Arteta "Kristal Pelas" ustidan qozonilgan g‘alabaning (1:0) ahamiyati haqida gapirdi.
"Kanonirlar" o‘z maydonida 39-daqiqada Eberechi Ezening goli evaziga ustun keldi. Arteta jamoasi "Liverpul" va "Manchester Siti"ning mag‘lubiyatidan unumli foydalana oldi.
"Men futbolchilarga bu g‘alabani bu mavsumdagi boshqa g‘alabalardan ko‘ra ko‘proq qadrlashimni aytdim. Biz har uch kunda o‘ynaganimiz uchun oson bo‘lmasligini hamma bilardi. Bundan tashqari, bu dam olish kunlari sodir bo‘lgan voqealarni hisobga olgan holda [raqobatchilardan ajralib turish uchun] ajoyib imkoniyat bo‘ldi," - dedi ispaniyalik murabbiy.
"Arsenal" 9 turdan so‘ng 22 ochko bilan APL turnir jadvalida peshqadamlik qilmoqda.
