Лондоннинг "Арсенал" клуби бош мураббийи Микель Артета "Кристал Пэлас" устидан қозонилган ғалабанинг (1:0) аҳамияти ҳақида гапирди.

"Канонирлар" ўз майдонида 39-дақиқада Эберечи Эзенинг голи эвазига устун келди. Артета жамоаси "Ливерпуль" ва "Манчестер Сити"нинг мағлубиятидан унумли фойдалана олди.

"Мен футболчиларга бу ғалабани бу мавсумдаги бошқа ғалабалардан кўра кўпроқ қадрлашимни айтдим. Биз ҳар уч кунда ўйнаганимиз учун осон бўлмаслигини ҳамма биларди. Бундан ташқари, бу дам олиш кунлари содир бўлган воқеаларни ҳисобга олган ҳолда [рақобатчилардан ажралиб туриш учун] ажойиб имконият бўлди," - деди испаниялик мураббий.

"Арсенал" 9 турдан сўнг 22 очко билан АПЛ турнир жадвалида пешқадамлик қилмоқда.