Turinning «Yuventus» klubi markaziy yarimhimoyachi Artyur Attani o‘z safida ko‘rishni xohlamoqda. Bu haqda mashhur insayder Nikolo Skira o‘z ijtimoiy tarmoqlarida xabar berdi.
Manbaga ko‘ra, «Yuve» rahbariyati 22 yoshli fransuz futbolchisini jiddiy ravishda kuzatmoqda va uni qishki transfer oynasida sotib olish bo‘yicha rasmiy taklif taqdim etishi mumkin.
Atta joriy yozda Fransiyaning «Mes» klubidan «Udineze» safiga qo‘shilgan. U shu paytgacha 9 ta uchrashuvda maydonga tushib, 2 ta gol va 2 ta golli uzatma bilan jamoasiga yordam berdi.
Transfermarkt portali futbolchining bozor qiymatini 12 million yevro deb baholamoqda.
